ရှေးတုန်းကပါ။ လူတစ်ယောက် ခရီးထွက်ပြီး ပြန်ရောက်လာတဲ့အခါ သူ့ အိမ် မီးလောင်နေတာ တွေ့ရပါတယ်။ မြို့ထဲမှာ အလှဆုံးအိမ်မို့ ပေါက်ဈေးထက် နှစ်ဆပေးပြီး ၀ယ်သူတွေ ရှိပေမယ့် မရောင်းခဲ့ဘူး။ ခုတော့ အိမ်ကြီးက သူ့မျက်စိအောက်မှာပဲ တဟုန်းဟုန်းတောက်နေတဲ့ မီးညွှန့်တွေ ၀ါးမျိုတာ ခံနေရတယ်။ လူတွေလည်း ရောက်လာကြတယ်။ ဒါပေမယ့် ဘာမျှ မတတ်နိုင်ကြဘူး။ မီးအလောင်မြန်ပုံများ ဘာမျှ ပြန်ရဖို့ မလွယ်ဘူး။ သူ အကြီးအကျယ် ၀မ်းနည်းသွားတယ်။ သူ့သား တစ်ယောက် ပြောလာပြီး ပြောတယ်။
“မပူပါနဲ့အဖေ၊ မနေ့ကပဲ အိမ်ကို ရောင်းဖြစ်သွားတယ်။ ဈေးကောင်းတာမှ ပေါက်ဈေးရဲ့ သုံးဆ”
“ပြောရောပေါ့ သားရယ်” တဲ့။
အဖိုးကြီး အမူအရာပြောင်းသွားတယ်။ သူများတွေ မီးတောက်ကြီးကို ကြည့်သလိုမျိုး အေးအေးသက်သာ ကြည့်နိုင်သွားတယ်။ သည်မီး . . . သည်အိမ်နှင့် . . . သည်အခြေအနေပဲ။ သူ ဂရုစိုက်စရာ မလိုတော့ဘူး။ အဲသည့်အချိန်မှာ နောက်သားတစ်ယောက် ပြောလာတယ်။
“ဘာလုပ်နေတာလဲ ဖေဖေ။ ပြုံးလို့ပါလား။ အိမ်က ပြာဖြစ်တော့မယ်”
“မင်းအစ်ကိုကြီး အားလုံးပြောပြတယ်။ ရောင်းလိုက်ပြီတဲ့ဆို”
“ငွေကမချေရသေးဘူး ဖေဖေ။ သူက အခု အရောင်းအ၀ယ် ဖျက်တော့မှာပေါ့”
“ဘာ”
အားလုံးဟား ပြောင်းလဲသွားတယ်။ ခြောက်စပြုတဲ့ ပါးပြင်ပေါ်က မျက်ရည်တွေ လိမ့်ဆင်းလာတယ်။ နှုတ်ခမ်းက ပြုံးမနေတော့ဘူး။ ဘယ်ဘက်ရင်အုံမှာ တဒုန်းဒုန်းနှင့်။ သူဟာ ပွဲကြည့်ပရိသတ် မဟုတ်တော့ဘူး။ သူပိုင် . . .။ သူ့ဥစ္စာ . . .။ အငယ်ဆုံးသား ရောက်လာပြန်တယ်။ သူ့မှာလည်း သတင်းစကားနှင့်။
“၀ယ်သူက အတော်ကတိတည်တယ် အဖေ။ သူ့ဆီက ကျွန်တော်လာခဲ့တာ။ မီးလောင်မှာကို ဘယ်သူမှ ကြိုမသိနိုင်ကြဘူး။ ဒါပေမယ့် အ၀ယ်ကတိကို မပျက်စေရဘူး။ ပေးစရာရှိတာ ပေးပါ့မယ်တဲ့”
အဖိုးကြီး ပုံမှန် ပြန်ဖြစ်သွားတယ်။ အခြေအနေတွေက မပြောင်းလဲပါဘူး။ အယူအဆတွေက ပြောင်းလဲတတ်တာပါ။ ငါစွဲရှိရင်၊ ငါနှင့်ဆိုင်တာဆိုရင် ပူပန်ရတယ်။ အစွဲမရှိရင်တော့ သက်သာတယ်တဲ့။
ဒါပေမယ့် လောကီနယ်မှာ၊ အိုင်ဒန်တတီ (identity) ဆိုတာ အရေးပါတဲ့ ဂလိုဘယ်ခေတ်မှာ မီးလောင်နေတာ ကိုယ့်အိမ်လား၊ သူ့အိမ်လားတော့ ကွဲပြားတဲ့ သတင်းအချက်အလက်ရှိထားဖို့ လိုတယ်။ ဘယ်သူ့အိမ်ဖြစ်ဖြစ် မီးမလောင်ရင်တော့ အကောင်းဆုံးပေါ့။ ပုထုဇဉ်တစ်ယောက်အတွက် ပုံပြင်တွေက ပညာရနိုင်ပါတယ်။ ဒါလောက်ပါပဲ။
စံပယ်ဖြူ မဂ္ဂဇင်း
ဇွန်၊ ၂၀၀၈
|
Post a Comment