The Lady

ဒီနေ့ မွေးနေ့ဆုတောင်းပွဲတစ်ခု သွားဖြစ်တယ်။ ပရိတ်သတ်လည်း အတော်ကလေးများတယ်။ မွေးနေ့ပွဲကို ၁၉၉၀ ရွေးကောက်ပွဲမှာ ၀င်ပါခဲ့တဲ့ NLD အမတ်ဟောင်းတစ်ယောက်က အဖွင့်စကားပြောပြီး ဖွင့်ပေးတယ်။ (သူပြောတာတွေတော့ သိပ်အားမရလို့ နောက် အားလုံးသိပြီးဖြစ်နေလောက်တာမို့ ထည့်မရေးတော့ဘူး)။ နောက် အစ်မတစ်ယောက်ကနေ စာတမ်းဖတ်မယ်ဆိုပြီး မွေးနေ့ပွဲမှာ Birthday cake လေးလှီး၊ သီချင်းဆိုနေ၊ ဆုတောင်းနေရုံနဲ့ မလုံလောက်တဲ့အကြောင်း ၊ ဒီထက်ပိုပြီး နိုင်ငံတကာကနေ ပိုပြီး လုပ်နိုင်တဲ့ဘက်က ကြိုးစားဖို့လိုတဲ့အကြောင်းတွေ သတိပေးပြောသွားတယ်။ (Parliament house မှာ အရင်တစ်ရက်က မွေးနေ့ပွဲလုပ်တာကို ရည်ညွှန်းပြောတယ်ထင်ပါတယ်)။ နောက်တစ်ယောက်အလှည့်ကျတာကတော့ ပါလီမန်အဖွဲ့ဝင်တစ်ဦးပါ။ သူကတော့ သေသေချာချာကို ပြောသွားပါတယ်။ မြန်မာနိုင်ငံအရေးကိုလည်း လေ့လာထားပုံရတယ်။ စာရင်းအတိအကျနဲ့ နိုင်ငံရေး အကျဉ်းသားတွေ ဘယ်လောက်ရှိတဲ့အကြောင်း (၂သိန်းကျော်ကျော်ရှိတယ် အတိအကျတော့ မှတ်မထားလိုက်ရဘူး) ၂၀၁၀ ရွေးကောက်ပွဲနဲ့ အလိမ်အညာ ထောင်ချောက်ဆင်တာတွေအကြောင်း၊ ရွေးကောက်ပွဲ မရောက်ခင် ၁၆ လ လိုသေးတာမို့ မွေးနေ့ရှင် ပြန်လည်လွတ်မြောက်အောင် ကြိုးစားကြမယ့်အကြောင်း တွေ ပြောသွားတယ်။ သူပြောသွားတာတွေထဲမှာ အမှတ်ရမိတာတွေက ဒီနေ့ဟာ သာမန် မွေးနေ့ပွဲတစ်ခုကို ကျင်းပတာမဟုတ်ဘဲ သတ္တိရှင်အမျိုးသမီးတစ်ယောက်ကို ဂုဏ်ပြုတဲ့အနေနဲ့ တက်ရောက်ပါတယ်တဲ့။ ဒီနိုင်ငံသားတွေကိုယ်စား၊ အစိုးရကိုယ်စား ၊ မြန်မာနိုင်ငံပြင်ပက လူတွေကိုယ်စား ပြောချင်ပါတယ်တဲ့။ သူတို့ဟာ မြန်မာနိုင်ငံကြီး အာဏာရှင်စနစ်အောက်က မလွတ်မချင်း၊ Nobel ငြိမ်းချမ်းရေးဆုရှင် ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေ မလွှတ်မြောက်မချင်း၊ အစစ်အမှန် ဒီမိုကရေစီ မရမချင်း (block democracy မဟုတ်ပါဘူးတဲ့) ဘယ်တော့မှ အနားမယူပဲ အစွမ်းကုန် ကြိုးစားမယ်ဆိုပြီး အားပေးစကားပြောသွားပါတယ်။ အဲဒီနောက်မှာတော့ birthday သီချင်းဆို၊ ၈၈၈၈ video ပြပြီး မွေးနေ့ပွဲကို အဆုံးသတ်ခဲ့ပါတယ်။

ခင်ဗျားတို့ ကျွန်တော်တို့တွေရော ဘယ်လောက်ထိ လုပ်ပေးပြီးသွားပြီလဲ။ ပရော်ဖက်ဆာတစ်ယောက်ကို ကျောင်းသားတစ်ယောက်ကပြောတယ်။ ဆရာ ကျွန်တော် ပရော်ဖက်ဆာဖြစ်နေတယ်ဆိုပြီး အိပ်မက်မက်တယ်။ ပရော်ဖက်ဆာတစ်ယောက်ဖြစ်အောင် ဘယ်လိုလုပ်ရမလဲဆရာတဲ့။ အဲဒီတော့ ဆရာက "လျော့အိပ်"တဲ့။ ကျွန်တော်လည်း လျော့အိပ်ဖို့ ကြိုးစားဦးမယ်။ ဆုတောင်းချင်တာကတော့ ထိုင်းဘုရင် မွေးနေ့ပွဲမှာ ထိုင်းပြည်သူတွေ ကျင်းပကြသလို ကျွန်တော်တို့တွေ ၁၉ ဂျွန်တွေတိုင်း မွေးနေ့ရှင် ဒေါ်အောင်ဆန်းစုကြည်နဲ့အတူ ပျော်ပျော်ရွှင်ရွှင် ကျင်းပနိုင်ပါစေလို့ ...။

Credit photo to : elegantsarasotaweddings
Credit video to: MFG and Ma thida (DVB)
Credit poem to: Ywar-thar-lay

တော်ကီ