Sunday, 19 July 2009

Commemoration of 19th July

အာဇာနည်နေ့ ။ အများသူငှာ ဘယ်လိုဘယ်နည်းနဲ့ ဖျောက်ဖျက်လို့ မေ့လျော့သွားမယ့် နေ့ မဟုတ်ပါဘူး။ ဟိုး အရင်တုန်းကလို ဥသြဆွဲတာတွေ မလုပ်တော့ပေမယ့် လူတိုင်း ရင်ထဲမှာ ဒီအဖြစ်ဆိုးအကြောင်းကို တွေးမိတိုင်း တမြေ့မြေ့ သတိရ ခံစားနေကြမှာပါပဲ။ အောက်မေ့ဂုဏ်ပြုပွဲတွေ လုပ်တဲ့ပုံ ကွာခြားလာတာကလွဲလို့ အားလုံး ရင်ထဲမှာ တစ်သားထဲ ခံစားနေရမယ်ဆိုတာ ယုံကြည်ပါတယ်။

အခုတော့ ပုံစံတွေပြောင်းလို့ ကိုယ်တတ်နိုင်တဲ့ ဘလော့ဂ်ပေါ်ကနေပဲ အောက်မေ့တမ်းတတဲ့ အကြောင်းတွေ ကိုယ်စီကိုယ်ငှ ရေးကြတာပဲ တွေ့ရပါတယ်။ ရန်ကုန်မှာဆိုရင် Bus ကားအားလုံး နိုင်ငံတော်အလံတွေ ကားတိုင်းမှာ ချိတ်ပြီးတော့ ၀မ်းနည်းခြင်းအထိမ်းအမှတ် လုပ်တာကို မှတ်မိနေသေးတယ်။ နယ်တွေမှာဆိုရင်လည်း ကျွန်တော်ငယ်ငယ်ကအထိ အိမ်တိုင်းနီးပါး အလံတွေ လွှင့်ထူလို့။ အခုနောက်ပိုင်းတော့ မလုပ်တဲ့အိမ်တွေ ပိုများလာသလိုပဲ။ အလိုလိုနေရင်း နီးရာဓါးပဲ ကြောက်နေကြရတာကိုး။ ဒီလို ဒုက္ခဆိုးတွေအောက်ကပဲ အမြန်ဆုံး လွှတ်မြောက်ပါစေလို့ပဲ ၀ိုင်းဆုတောင်းကြရင်း ကျဆုံးလေပြီးသော အာဇာနည် ခေါင်းဆောင်များနှင့်တကွ လွပ်လပ်ရေးအတွက် စွမ်းစွမ်းတမံ ဆောင်ရွက်ခဲ့ကြသော တိုင်းရင်းသား ညီအစ်ကို ခေါင်းဆောင်တွေကို ဦးညွတ်အလေးပြုလိုက်ပါတယ်။

သီချင်းတွေ တင်ချင်တာ ကော်နက်ရှင်ကြောင့် မတင်ဖြစ်သေးပါဘူး။ မိုးမခ နဲ့ အာဇာနည် ဘလော့ဂ်မှာ သီချင်းတော်တော်များများ နားဆင်နိုင်ကြောင်း အသိပေးလိုက်ပါတယ်။ Template ပြောင်းတာလေးနဲ့ပဲ ကျေနပ်လိုက်ရတယ်။ Fontတွေ ပုံတွေ ကျွန်တော်စက်မှာ အဆင်ပြေပေမယ့် တခြားစက်တွေမှာ အဆင်မပြေတာရှိခဲ့ရင် cbox မှာ ပြောထားပေးပါခင်ဗျာ။

PS: ကြယ် ၉လုံးဟာ အာဇာနည်ခေါင်းဆောင် ၉ ဦးကို ရည်ရွယ်ပါတယ်။ ကို ကောင်းကင်ကို ပြောသလို ကြယ်တွေ ပြိုင်တူ လင်းနိုင်တဲ့နေ့ကို အမြန်ဆုံးရောက်ဖို့ မျှော်လင့်ရင်း ...။

တော်ကီ
Posted by Talkii အချိန် 12:15 am
အကြောင်းအရာ ,

|


Post a Comment