ရုံးပိတ်ရက်မှာ အနားယူမယ်စိတ်ကူးနေတုန်း ၆ နှစ်အရွယ် သမီးလေးက သံပုရာရည်ဆိုင်ကလေး ဖွင့်ချင်တယ်ပြောလာပါတယ်။ အလုပ်နားရက်မို့လို့ သံပုရာရည် ကူမရောင်းချင်တာနဲ့ သံပုရာရည် ဖျော်ချင်ရင် ပိုက်ဆံ ဘယ်လောက်ကုန်မယ့်အကြောင်း၊ ခွက်စတဲ့ တခြား တိုလီမုတ်စ ပစ္စည်းတွေ လိုမည်ဖြစ်တဲ့အကြောင်း ပြောပြီး သမီးကို နားချလိုက်တယ်။ ဒါပေမယ့် စိတ်အားထက်သန်နေတဲ့ သမီးကတော့ လုပ်ချင်တယ်ပဲ နားပူနာဆာ ပြောပြီး ကျွန်တော်ကို အနိုင်ယူသွားပါတယ်။
ဒါနဲ့ သူကို အလျော့ပေးပြီး သမီးရဲ့ ပထမဆုံး လုပ်ငန်းလေးစဖို့ ပြင်ရပါတော့တယ်။ နောက်ပြီးတော့ သမီးလေးကိုယ်တိုင်ကိုယ်ကျ လုပ်ရတဲ့အတွက် ပိုက်ဆံရေတွက်နည်း၊ စီးပွါးရေး အခြေခံနည်းလေးတွေ သင်ပေးဖို့ အခွင့်ကောင်းပဲ မဟုတ်လား။
ကျွန်တော်တို့ နှစ်ယောက် တစ်ထိုင်ထဲမှာပဲ အလုပ်အတွက် လိုအပ်မယ် အစီအစဉ်တွေ ဆွဲလိုက်ကြတယ်။ မကြာပါဘူး။ သမီးလေးက ကျွန်တော် သင်ဖို့ကြိုးစားပြီး ရေးထားတဲ့ ပိုက်ဆံယူပုံတွေ၊ ကုန်ကျတဲ့အရင်းအနှီးနဲ့
ပြန်ရမယ့် ငွေ စာရင်း ကိုကြည့်ရင်းပြောတယ်။
ဖေဖေကလည်း သမီးတို့ အိမ်နီးနားချင်းတွေက အရမ်းသဘောကောင်းတာ။ သူတို့ကို ဖျော်ရည်အလကား တိုက်ရမှာပေါ့ ။
သမီးလေးက ကျွန်တော်တွေးမထားတဲ့ဘက်ကနေ လွှတ်ခနဲ ပြောလိုက်တယ်။ ဒီတစ်ခါလဲ လိုက်လျောလိုက်ရတာပါပဲ။ ကျွန်တော်ရေးထားတဲ့ အစီအစဉ်လေးကတော့ မလိုတော့ဘူး။ သံပုရာရည်ဆိုင်လေးရဲ့ ရည်ရွယ်ချက်က ချက်ခြင်းပြန်ပြောင်းသွားတယ်။ သမီးလေးက စာရေးပြီး ဆိုင်းဘုတ် လေးလုပ်လိုက်တယ်။ ကျွန်တော်ဇနီးကတော့ သမီးအတွက် ဖျော်ရည်ဖျော်တဲ့နေရာမှာ ကူပေးနေတာပေါ့။
ဆိုင်လေးထွက်ဖို့ အဆင်သင့်ဖြစ်တဲ့အချိန်မှာပဲ သမီးလေးက ဆင်ဝင်နားက အိုးထဲမှာ စိုက်ထားတဲ့ ပူစီနံအခက်လေးတွေ ချိုးလာတယ်။ နောက် ပြောသေးတယ်။
ပူစီနံအခက်လေးတွေ အပိုလက်ဆောင်အနေနဲ့ သံပုရာရည်ထဲ ထည့်လို့ရမလား ဖေဖေ တဲ့။ ထုံးစံအတိုင်းပါပဲ။ သူ့အလိုအတိုင်းပေါ့။ သမီး အိုင်ဒီယာလေးတွေနဲ့ ပြင်ဆင်လိုက်တာ တနင်္ဂနွေမနက်မှာတော့ ဆိုင်ကလေးဖွင့်ဖို့ အသင့်ဖြစ်သွားပြီ။
ဆိုင်ဖွင့်ပြီး မကြာခင်မှာပဲ ဆိုင်အကြောင်းကို ကြားထားတဲ့ အိမ်နီးနားချင်းတစ်ယောက် ပထမဆုံး ပြား၅၀ ကိုင်ပြီး ရောက်လာပါတယ်။ သံပုရာရည် တစ်ခွက်တဲ့။ ပြား ၅၀ ဆိုတာ မူလ ရောင်းမယ်ဆိုတဲ့ ဈေးထက် တစ်ဝက်တိတိ များနေတယ်လေ။
အလကားတိုက်တာပါ ဆိုပြီး သမီးက ပြန်ပြောတယ်။
ရပါတယ်သမီးရယ် ... အန်တီက သမီးအတွက် ပေးတာ ဆိုပြီး ပြား၅၀ ထားသွားတယ်။
ပိုက်ဆံလေးကိုင်ပြီး ဘာလုပ်ရမှန်းမသိဖြစ်နေရာကနေ စားပွဲပေါ်က ခွက်လေးထဲကို ထည့်ထားလိုက်တယ်။ (တခြားသူတွေလည်း မြင်နိုင်တာပေါ့)။
မကြာပါဘူး။ နောက်ထပ် အားပေးမယ့် အိမ်နီးနားချင်းတွေ ထပ်ရောက်လာတယ်။ ကိုယ်စီကလည်း အနည်းဆုံး ပြား၅၀ဆီ ပေးသွားကြတယ်။ ကားတွေ ဖြတ်သွားရင်လည်း သမီးက အကြီးအကျယ် ခုန်ပေါက်ပြီးတော့ “သံပုရာရည် အလကားတိုက်နေတယ်နော်” လို့ ကားတွေရပ်မလားအထင်နဲ့ ပြောရှာတယ်။ ဒါပေမယ့် ကားအများစုကတော့ ဆက်မောင်းသွားကြတယ်။ နောက်ဆုံးမှာတော့ ကားတစ်စီးရပ်ပြီး သံပုရာရည် တစ်ခွက်အတွက် ပိုက်ဆံ ၃ ကျပ်တောင် ပေးပြီး အားပေးသွားတယ်။ ကျွန်တော် အစီအစဉ်အတိုင်း ၂၅ ပြားနှုန်းတွက်ရင် ၁၁၀၀ ရာခိုင်နှုန်းကျော်တောင် ရနေပြီ။ နေလည်းစောင်းရော သမီးရဲ့ အလကားတိုက်တဲ့ သံပုရာရည်ဆိုင်ကလေးကနေ ၈ ကျပ်ဖိုးတောင် ရောင်းရတော့ သမီးက အော်ဟစ် ခုန်ပေါက်နေတော့တာပေါ့။ အားလုံးပြီးတဲ့နောက်မှာတော့ ကျွန်တော်ရဲ့ ပထမအစီအစဉ်ဟာ သမီးနဲ့ အံမကိုက်တာကို သိလိုက်ရသလို ကျွန်တော်အတွက် ဈေးကွက်နဲ့ပတ်သတ်ပြီး သိလိုက်ရတာတွေ အများကြီးပါပဲ။
သံပုရာရည်ဆိုင်ကလေးကနေ ကျွန်တော်သိလိုက်တဲ့ အချက် ၉ချက်ကတော့ ဒီမှာပါပဲ။
၁။ တစ်ချို့အရာတွေကို အလကားလုပ်ပေးလို့ ရတာရှိရင် လုပ်ပေးလိုက်ပါ။ အဲဒီအတွက် ဝယ်သူတွေဆီကနေ တန်ဖိုးထားတတ်မှု ပြန်ရလိမ့်မယ်။
ခင်ဗျား လူတစ်ယောက်ကို ကူညီတဲ့အခါ အဲဒီကူညီမှုကနေ အပြန်အလှန်နားလည်မှုနဲ့ဆိုတာကို ဖန်တီးပေးပါလိမ့်မယ်။ Web designer တစ်ယောက်အနေနဲ့ ကိုယ့်ဘလော့ဂ်မှာ တန်ဖိုးရှိမယ့် အကြံဉာဏ်ကောင်းတွေကို မျှဝေပေးပါ။ ဆွေးနွေးဝိုင်း (forum) တွေမှာလည်း ဒီဇိုင်နာမဖြစ်သေးတဲ့ တက်သစ်စ လူငယ်လေးတွေကို အကူအညီပေးလိုက်ပါ။ အိုင်ဒီယာတွေရှိရင်လည်း twitter မှာပဲဖြစ်ဖြစ် မျှဝေပေးလို့ရပါတယ်။ ဒီလိုလုပ်ခြင်းအားဖြင့် ယုံကြည်မှုကို တည်ဆောက်ရာမှာမက သင့်ရဲ့ အဖိုးတန် အလုပ်အပ်မယ့်သူတွေနဲ့ ဆက်ဆံရေးလည်း တိုးတတ်လာပါလိမ့်မယ်။
၂။ အဖိုးတန် အလုပ်ရှင်တွေကို လည်း မျှဝေပေးဖို့ မမေ့ပါနဲ့။
အခပေး version ကို လွယ်လွယ်ကူကူ ပြောင်းလဲလို့ရမယ့် Free template တွေကို မျှဝေပေးပါ။ သင့်ရဲ့ ဖန်တီးနိုင်မှု စွမ်းအားကို ပြသတဲ့အနေနဲ့ ကြော်ငြာပုံကလေးတွေ၊ logo နဲ့ graphic ပုံလေးတွေ မျှဝေပေးပါ။ ကောင်းကောင်းလေး ဖန်တီးဖို့တော့ လိုပါလိမ့်မယ်။ အခြေခံပေးထားတဲ့ ပုံကလေးတွေကို သဘောကျရင် အသုံးပြုသူတွေက အခပေးပြီး upgrade လုပ်ဖို့ ၀န်မလေးပါဘူး။
၃။ “အထူး အပိုလက်ဆောင်” ဖြစ်နေပါစေ။
သံပုရာရည် ချည်းပဲ မပေးလိုက်ပါနဲ့။ ပူစီနံခက်ကလေးရော ထည့်ပေးလိုက်ပါ။ လုပ်ငန်းနဲ့ ပါတ်သတ်ပြီး တစ်ခုခု လုပ်တော့မယ်ဆိုရင် အပိုဆောင်းပြီး လုပ်ပေးလိုက်ပါ။ အသုံးပြုသူက ဒါကို သတိထားမိပါလိမ့်မယ်။ သင့်ဆီကို နောက်တစ်ကြိမ်လာပြီး အားပေးယုံမက တခြားသူတွေကိုပါ တဆင့် ကြော်ငြာပေးလိမ့်ပါဦးမယ်။
၎။ သင့်ပတ်ဝန်းကျင်ကို ပြောဖို့ မကြောက်ရွံ့ပါနဲ့။
ကျွန်တော်သမီး ပထမဆုံး လုပ်တဲ့အချက်က ဆိုင်ဖွင့်ဖွင့်ပြီးချင်း ဘေးအိမ်က မိသားစုကို သွားပြောတော့တာပဲ။ သူ့အတွက် သံပုရာရည်ရပြီးတဲ့နောက်မှာ သူကနေတဆင့် တခြား အိမ်နီးနာချင်း ၂ယောက်ကို ထပ်ပြီး အကြောင်းကြားလိုက်ပါတယ်။ အဲဒီ ၂ယောက်ကလည်း မုန့်ဖိုးကိုယ်စီပေးသွားကြပါသေးတယ်။ ဒါကြောင့် သင့်ရဲ့ လုပ်ငန်းအကြောင်းကို သူငယ်ချင်းတွေ လုပ်ဖော်ကိုင်ဘက်တွေကို ပြောဖို့ ကြောက်ရွံ့မနေပါနဲ့။ သူတို့ကနေတဆင့် ဖောက်သည်အသစ်တွေ တိုးမလာနိုင်ဘူးလို့ မပြောနိုင်ဘူးလေ။
၅။ လူအာရုံစိုက်ဖို့ မြင်သာထင်သာအောင် လုပ်ပါ။
ဆိုင်းဘုတ်ကလေးနဲ့ကတော့ မလုံလောက်ပါဘူး။ ကျွန်တော်သမီးက ဖြတ်သွားဖြတ်လာ ကားတွေကြားအောင် သံပုရာရည် အလကားတိုက်နေတယ်နော် လို့ ခုန်ပေါက်ပြီး အော်တဲ့အချက်ရှိပါတယ်။ ဒီနည်းက နည်းနည်းပိုတယ်ထင်ရပေမယ့် နောက်ဆုံးမှာ အလုပ်ဖြစ်တာကို တွေ့ရပါလိမ့်မယ်။ ခင်ဗျာရော... ခင်ဗျားလုပ်ငန်းအကြောင်းကို ဘယ်လို အော် နေလဲ။
၆။ ဇွဲရှိပါ။
ကားတော်တော်များများက မရပ်ဘဲ ဆက်မောင်းသွားကြပေမယ့် သမီးကတော့ လက်မလျော့ခဲ့ပါဘူး။ နောက်ဆုံးမှာတော့ သူ့ ဝင်ငွေကို ၂ဆဖြစ်စေတဲ့ ကားတစ်စီး ရပ်ခဲ့တယ်လေ။
၇။ လက်ဦးမှု ရယူပါ (ကြိုတင် မျှော်လင့်ထားပါ)
ပထမဆုံး ဖောက်သည်က သမီးရဲ့ ဆိုင်ကလေးအကြောင်းကို ဖွင့်ဖွင့်ချင်း သိနှင့်နေပြီလေ။ သင့်ရဲ့ website ကို ရိုးရိုးပဲ မလွှင့်တင်လိုက်ပါနဲ့။ website တည်ဆောက်နေဆဲ ကာလမှာကတည်းက တခြားသူတွေကို ဒီအကြောင်း ပေးသိထားပါ။ ဥပမာ home page ပုံကလေးတင်ထားမယ်။ website အသင့်ဖြစ်တာနဲ့ အကြောင်းကြားနိုင်အောင် လုပ်ထားမယ်။ ဒီလိုဆိုရင် website တင်တင်ပြီးချင်းမှာပဲ လာရောက် လည်ပတ်သူတွေ ရှိနေမှာပါ။
၈။ အပေါင်းအသင်ကောင်းကို ရှာပါ။
အပေါင်းအသင်းဆိုတာ နေရာတကာမှာ အရေးပါ ပါတယ်။ ကျွန်တော်ရဲ့ သားငယ်ကလေးကတော့ သမီးအတွက်အပေါင်းအသင်းကောင်းမဟုတ်သေးပါဘူး။ သူက သံပုရာရည်သောက်ဖို့တစ်ခုပဲ စိတ်ဝင်စားတယ်လေ။ ဒါပေမယ့် သမီးရဲ့ သူငယ်ချင်းတွေကတော့ ကြော်ငြာအားကို ၂ဆဖြစ်စေဖို့ သမီးနဲ့အတူ ခုန်ပေါက်အော်ဟစ်နေတော့တာပေါ့။
၉။ သင့်အောင်မြင်မှုကို ကြော်ငြာပါ။
စားပွဲပေါ်က ပိုက်ဆံထည့်တဲ ခွက်ကလေး တဖြည်းဖြည်း ပြည့်လာတဲ့အခါ တခြားသူတွေကလည်း ပိုပြီး ပိုက်ဆံထည့်ဖို့ အားဖြစ်စေပါတယ်။ သင့်ရဲ့ အောင်မြင်မှုကို ကြော်ငြာဖို့ မကြောက်ဝံ့ပါနဲ့။ သင့် website မှာ ဒေါင်းလုပ် လုပ်သူအရေအတွက်၊ မှတ်ချက်ပေးသူ အရေအတွက်၊ အမြဲတမ်းဖတ်သူ အရေအတွက်တွေကို သင့်တော်တဲ့ နေရာမှာ ထားပါ။ ဂဏန်းတွေ တက်လာဖို့တော့ ကြိုးစားရမှာပေါ့။ (တစ်ယောက် ဘာသာပြန်ထားတာ တွေ့ဘူးတယ်။ မြန်မာ website တွေမှာ ကောင်တာတွေထည့်ကြတယ်တဲ့ ကောင်တာ နည်းနည်းပဲရှိတော့ website သိက္ခာကို ထိခိုက်လို့ မထည့်သင့်ဘူးပေါ့။ တကယ်တော့ အားလုံးက ၀ ကနေစတယ်ဆိုတာ သူမေ့နေလို့ထင်တယ်။)
ဒီဟာကို ဘာသာပြန်ဖို့ ကြိုးစားရာမှာ တောင်းပန်စရာရှိပါတယ်။
ပထမတစ်ခုကတော့ marketing ဆိုတာ ကျွန်တော် လုံးဝ နားမလည်တဲ့ အပိုင်းပါ။ အဲဒီတော့ မူရင်းအပေါ်မှာ နားလည်သလောက် ပြန်ထားတာမို့ ဘဝင်မကျတာရှိရင် ထောက်ပြပေးပါ။ ဆန္ဒရှိရင် မူရင်းနဲ့ တိုက်ဆိုင် ဖတ်ကြည့်ပေးပါ။ နောက်တစ်ခုကတော့ တစ်ချို့နေရာတွေမှာ သင့်တော်မယ့်ထင်ပြီး သွယ်ဝိုက်ပြန်ထားတာတွေ ရှိပါတယ်။ ဒီဟာကို ဖတ်နေရင်း အရင်တုန်းက ဖတ်ဖူးတဲ့
Fish! ဆိုတာကို သတိရမိတယ်။ အဲဒီစာအုပ်ထဲမှာလည်း motivation ကောင်းကောင်းလုပ်ဖို့ နည်းတွေ ရေးထားပါတယ်။ ဥပမာ Making their day စသဖြင့်ပေါ့။ ၀ယ်ယူသူ/အသုံးပြုသူ တွေကို ကိုယ်နဲ့ ဆက်ဆံတဲ့အခိုက်မှာ ကိုယ့်ဂွင်ထဲ ရောက်တဲ့အခိုက်မှာ နိုင်သလောက် ဖြတ်အုပ်/ဖြတ်တီး မလုပ်ဘဲနဲ့ တစ်ဖက်သူအတွက် စဉ်းစားပြီးတော့ အကောင်းဆုံးဖြစ်အောင် လုပ်ပေးနိုင်ရင် အောင်မြင်နိုင်တယ်။ တနည်းအားဖြင့် customer ကျေနပ်သွားရင် သူတို့ရဲ့ နေ့ကို ကိုယ်လုပ်ပေးနိုင်တယ်ဆိုပြီး ကိုယ့်လုပ်ငန်း အောင်မြင်တယ်လို့ တိုင်းတာနိုင်ပါတဲ့။ ဘလော့ဂ်တစ်ခုမှာတောင် ဖတ်ဘူးပါတယ်။ Customer is the God တဲ့။ သူကတော့ customer ဘက်က မကျေနပ်တာတွေ ပေါက်ကွဲပြီး ရေးထားတာပါ။
ဒီပို့စ်ထဲမှာ web designer တစ်ယောက်က ရေးထားတာဖြစ်လို့ Marketing tools နဲ့ ပါတ်သတ်ပြီး website ဥပမာတွေပဲ ရှိပါတယ်။ ဒါပေမယ့် basic business principals ကတော့ သဘောတရား တူတူပဲ ဖြစ်မယ်ထင်ပါတယ်။
နောက်စဉ်းစားမိတာကတော့ ကလေးတွေကို အခွင့်အရေးပေးပုံပါ။ ကိုယ့်ဆီမှာကတော့ ကလေးဘ၀ကတည်းက လောင်းကစား၊ ပိုက်ဆံ၊ မတရားအလုပ်ခိုင်းစေမှု တွေနဲ့ ကြုံတွေ့ရတာများပါတယ်။ တခြားနိုင်ငံမှာလည်း ရှိတာဘဲဆိုတာကိုတော့ ခဏထားလိုက်ပါ။ ဘာပဲဖြစ်ဖြစ် စဉ်းစားစရာလေး တစ်ခု ရသွားမယ်ဆို ရေးရကျိုးနပ်တယ်လို့ ပြောချင်ပါတယ်။ အချိန်ပေးပြီး ဖတ်တဲ့အတွက် အထူးပဲ ကျေးဇူးတင်ပါတယ်။
ဒီနေရာက ပို့စ်ကို ဆီလျော်အောင် ဘာသာပြန်ထားပါတယ်။
တော်ကီ
